Lənkəranda şadlıq mərasimində 17 nəfər zəhərlənib, AQTA açıqlama verib - Siyahı - Yenilənib

Baş verən hadisənin səbəbləri, həmçinin qida zəhərlənməsi olub-olmaması ilə bağlı Azərbaycan Respublikasının Qida Təhlükəsizliyi Agentliyinin (AQTA) mütəxəssisləri ilə müvafiq qurumların əməkdaşları tərəfindən araşdırmalara başlanılıb.

Bu barədə "Report"un sorğusuna cavab olaraq AQTA-dan bildirilib.

"Araşdırmaların nəticələri ilə bağlı əlavə məlumat veriləcək",- qeyd edilib.

***

Lənkəranda qidadan zəhərlənənlərin kimlikləri məlum olub.

“Report”un Cənub bürosu onların adlarını təqdim edir:

Cəfərov Yusif Elşən oğlu – 2019-cu il
Hüseynov Həmzə Əhməd oğlu – 2018-ci il
Süleymanova Aysel Zaur – 2016-cı il
Cəfərova Dəniz Elşən qızı – 2015-ci il
Cəfərov Rəşad Elşən oğlu – 2014-cü il
Ağayeva Bahar İsmət qızı – 2014-cü il
Süleymanov Zaman Zaur oğlu – 2014-cü il
Ağayev Murad İsmət oğlu – 2013-cü il
Ağazadə Şəfa Arzuman qızı – 2001-ci il
Hüseynova Zeynəb Əhməd qızı - 2010-cu il
Cəfərova Jalə Rizvan qızı – 1995-ci il
Ağayeva Güldanə İslam qızı – 1995-ci il
Süleymanova Aygün Vəliağa qızı – 1989-cu il
Ağayeva Günel Vəliağa qızı – 1988-ci il
Ağayeva Əzizə Xudaverdi qızı – 1985-ci il
Ağayev Arzuman Vəliağa oğlu – 1976-cı il
Ağayeva Firuzə Canəli qızı – 1954-cü il.

Xəstəxananın şöbə müdiri Elgiz Baxşıyevin bildirdiyinə görə, hazırda xəstəxanada 5-i uşaq, 4-ü qadın və 1 nəfər kişi olmaqla 10 nəfərin müalicəsi davam etdirilir. Zəhərlənmənin hansı səbəbdən olduğunun müəyyənləşməsi üçün xəstələrdən qida qalıqlarının nümunəsi götürülərək laboratoriyaya təqdim olunub.

Qeyd edək ki, kütləvi zəhərlənmə hadisəsi ötən axşam Lənkəran rayonunun ucqar dağ kəndi olan Bəletonda, kənd sakini Arzuman Ağayevin qızının nişan mərasimində baş verib. Ev şəraitində keçirilən məclisə toplaşan 30 nəfərdən 17-si qida qəbul etdikdən bir neçə saat sonra zəhərlənmə diaqnozu ilə Lənkəran Rayon Mərkəzi Xəstəxanasına çatdırılmışdı.

Fakt üzrə rayon prokurorluğunda araşdırma aparılır.

***

APA-nın cənub bürosunun verdiyi məlumata görə, kütləvi zəhərlənmə rayonun dağ kəndi olan Bəlitonda baş verib.

Ad günü, eyni zamanda nişan mərasiminə gələn qonaqlar qida qəbulundan sonra özlərini pis hiss ediblər. 17 nəfər ağır vəziyyətdə Lənkəran rayon mərkəzi xəstəxanasına aparılıb.

Onlara ilkin tibbi yardım göstərilib və müvafiq şöbələrə yerləşdiriliblər. Zəhərlənənlərdən 7 nəfəri ambulator müalicə üçün evə buraxılıb. 10 nəfərin müalicəsi xəstəxanada davam etdirilir.

Poliqon.info